Latest topics
CONTACT ADMIN

*~*மேகப் பூக்களின் விளம்பரப் பலகை - வானவில்*~*

Go down

*~*மேகப் பூக்களின் விளம்பரப் பலகை - வானவில்*~*

Post by Tamilkings on Mon Jan 31, 2011 6:13 am

மேகப் பூக்களின் விளம்பரப் பலகை - வானவில்





ஏழு வண்ணத்தில் எண்ணிக் கோர்த்து
ஏழைகள் பார்வை உடுத்தும் - பட்டாடை;
வானவில்!

வளைந்த புருவத்தில் பூமிக் காதலிக்கு
வானம் காட்டும் வர்ண ஜாலம்
வானவில்!

கல்வியறிவை கடன் வாங்காது
இயற்கை நெய்த கணினி வித்தை;
வானவில்!

ஏற்றத் தாழ்வுகளின் ஏணி மிதித்து
உலகின் பார்வைக்காய் பூட்டிவைத்த
வான தேவதையின் வண்ண மாலை;
வானவில்!

காற்றில் மழையில்
கரைந்திடாத கலைந்திடாத
மேகப் பூக்களின் விளம்பரப் பலகை;
வானவில்!

இயற்கையின் இயக்கத்திற்கு முகவரி கொடுத்த -
கடவுளின் பெயரெழுதிடாத மவுனத்தின்
வானம் தீட்டிய வண்ண மொழியாக்கம்
வானவில்!

பூமிக்கு வரும் மழை விருந்தாளிக்கு
தன் மேக கழுத்தில் -
வானம் கட்டிய ஆபரணம்
வானவில்!

திக்கிரண்டுமாய் நீண்டு வளைந்த
தென்றல் பெண்ணின் ஆடை அலங்காரம்
வானவில்!

வானவில்லுக்காய்
வார மாத தவம் போல் காத்திருந்து -
வெளிவராத மங்கை;
வானவில்!

என்றேனும் எட்டி வானம் பார்க்கையில்
அதிசயம் பூத்து போன - பூஞ்சரமாய்
சுட்டிக் காட்டும் விரல்நுனியில் - உதடு சுழித்து
முத்தமிட்ட வண்ணப் பெண்ணவள் வானவில்! வானவில்!
avatar
Tamilkings

Posts : 380
Join date : 2011-01-15
Age : 30
Location : Erode

View user profile

Back to top Go down

Back to top


 
Permissions in this forum:
You cannot reply to topics in this forum